الرئيسية
أفراد العائلة مختلفون في طباعهم وسلوكهم ولكن العائلات تتشابه وتشترك في أن كل عائلة تملك نفس النمط من الشخصيات التي تتوافر لدي العائلات الأخري وهنا سوف أسرد أنماط هذه الشخصيات ومواصفات سلوكها وقارنوها بما عندكم
الشخص الخفيف الدم :
وهو الشخص اللي بيسلي القعده و عادة يعتمد في حديثه علي كلام مبطن ... أو مشفر ومسموحله يحكي أيش ما بدو مدامو بيسلي القعدة وبيخلينا نضحك ... وأيش ماحكي بنضحك حتي لو صباح الخير
كاتب العيلة او شاعر القعدة:
كبير شوي بالعمر و من اللي بيعرفوا أيش يعني قراية وعلم .. الصغار بيشوفوه ممل لأنهم مش فاهمين أشي منه والكبار ساكتين لما يحكي علشان يبينوا أنهم فاهمين بس بقلوبهم بيتمنوا لو خفيف الدم يجي يحضر القعدة معاهم
نمامة العيلة:
و هاي عادة بتكون زوجة احد الاعمام او اولاد العمام
هاي اللي عندها الاخبار دايما
و اخبارها لازم تشيل نصها و تصدق نص اللي شلته
بتبهر و بتفلفل على خاطرها
و بتضيف من عندها بيحبوها النسوان و بيكرهوها و بنفس الوقت بخافوا منها
و بالاخر بتقولك بالله ما تجيبي سيرة اني قلت لك انا شو خصني
بتعرفيني بمشي الحيط الحيط و بقول يا رب السترة
غنية العيلة:
كل عيلة فيها واحد بيكون اغنى من الكل
و بكل عيلة بتكون مرته مركز نظر النساوين شو لبست ووين راحت و شو عملت
و بتكون نمامة العيلة زي الدنب الها عشان تجيبلهم الخبر اليقين
بتحكي من طرف مناخيرها
و بتقعد عطرف الكرسي كانها قرفانة
و اذا بتضيفها اشي بترفضة او بتاخده بس ما بتاكله ع اساس انها شبعانة ببيتها
مصرف العيلة
بيقولك كل عيلة زي الحمام اله مصرف
و مصرف العيلة هوة الشخص اللي بيجيب العار للعيلة بعمايله السودا
بيستعروا منه بس برضه بخافوا منه لانه بايعها و مش فارقة معه
كبير العيلة
و هذا اللي بدك تسد بوزك و تسمعه و هوة بيعيد القصة مرة ورا مرة
بحكيلك قصص ايام الحصيدة و الثلجة الكبيرة
و لما كان بالجيش
نص قصصه كذب بكذب
مش بقولو ما اكذب من شاب تغرب الا ختيار ماتت اجياله؟
متغرب العيلة
كل عيلة فيها على الاقل واحد مغترب
بيجي بالصيف و الكل بيكون يستنى الهدايا
لما يوصل بيلاقي الكل متجمع و الكل بيسلم علية
و بتكون امه عامليتله ورق و كوسا
و شباب العيلة بينلموا و اشتقنالك يا ابو الزوز
و شوفلنا شغل معاك و الله اخوك مش لاقي يحلق
كانه المسكين صاحب شركة هناك
بعد كم يوم بيكن قاعد لحاله ماحدا مطلع فيه بيشرب شاي بالبلكونه وأمه بتطبخلوا مجدرة
عزابي العيلة :
او الدون جوان النسوانجي
بيكون حليوة (نسبيا طبعا
و بس يزور حدا من القرايب عندهم بنات بينضبوا
و بيصيروا يبصبصوا علية من بعيد و بتشتغل المسجات
هدا بيكون عنده شوية غرور على شوية عجرفة
بقعد و بيحط اجر على اجر و عادة بيصير عمرة فوق الاربعين و ما بتجوز
بكل قعدة بحكي عن غرامياته و بيتجمعوا حاوليه شباب العيلة
و بيصير يورجيهم صور و مسجات
برضة بيكون صحبة خفيف الدم و مصرف العيلة و بيسهروا سوى
شقفة العيلة :
احلى بنت بالعيلة
بتكون محط انظار اولاد العم و الخال بس هيه نظرها بعيد شوي
بتمشي يا ارض اشتدي ما عليكي قدي
و بتقعد مع نساوين العيلة عشان يصيروا يمدحوا جمالها
برضة متل دون جوان العيلة ما بعجبها العجب و بتطول لتتجوز
اذا تجوزت اصلا ما بتكون صحبة مع بنات العيلة و بتلاقيها دايما في الاعراس بتتلقط عريس من بعيد .. من مبدأ نفسي فيه و تفو عليه
دكتور العيلة :
و هذا المسكين اللي ما بتهنى بقعدة
بس يوصل لمحل بنلموا علية و يا ميمتى خواصري بيجعنني
و شوف يابا مبارح و انا لما ( و بيصير يوشوش
و اللي بتنادي ابنها تعال ورجي الدكتور حلقك
هاتي معلقة يا غدير خلية يشوف زلاعيم اخوكي
و اللي بيعرض علية روشتات دكاترة تانية
و اللي بيجيبله صور اشعة
و االلي بقولوا شوفلي ضغطي
طبعا كل القاعدين بفحصوا ضغطهم بعده
و كل حياته بتكون هيك بغض النظر ان كانت زيارة او عرس او حفلة
طبعا هوة ما بيقصر و ممكن يصير يقولك مين الحمار الي اعطاك هذا الدوا ارميه و بكتبلك غيره
كمبيوترجي العيلة :
هذا طبعا بعد طفرة الكمبيوتر صار له اهمية كبيرة
بالاول كان الفاشل التافه اللي ما بيعرف اشي
وضعه متل دكتور العيلة
و بتقول امه بكل خيلاء
بس يجي مسعود بيزبطلك الكومبيوتر
و الله ما في اشطر منه
مبارح خلانا نشوف عمرو دياب
و بيجي مسعود المسكين
شوف كمبيوتر ابن خالتك ريم اللعبة ما بتشتغل
و بيجي حمودة ابن ريم و بيقعد يتفرج على مسعود
مثله الاعلى بالحياة و هوة بيشغّل الكومبيوتر
طفل العيلة الموهوب :
هذا اللي بكل لمة بنادوه يغني
تعال عبود غني لعمو اغنية اليسا لو تشوفو كيف بغنيها
و طبعا في نوعين من عبود في عبود اللي بستحيش
و بتلاقي قرفك و هوة بيعيد بالاغنية
و امه فرحانه فية و كل شوي بتقول ما شاء الله
كأنه ما حدا خلّف غيرها
او النوع اللي بتطلع روحك و امه بتقنعه يغني
و ياللا ورجي العمو اديش انت شاطر
و بتصير انت بدك تخلص
بتقوله غني حبيبي بعطيك شوكولاطة
و بيكون بجيبتك شوكولاطة مفعصة من عرس قديم
بتورجيه اياها كنوع من الاغراء
و في حالة كان دكتور العيله قاعد بيجي التهديد المباشر
اذا ما بتغني الدكتور بضربك ابرة
بتلاقيه صار يغني و نص اصابيعه بتمه
و بتصير امه تعطي اعذار و بتعصب عليه
عاد بالبيت طول نهارك تغني روح تخيب من وجهي
في كل عيلة بتلاقيهم و الله يستر لما بينجمعوا
الشخص الخفيف الدم :
وهو الشخص اللي بيسلي القعده و عادة يعتمد في حديثه علي كلام مبطن ... أو مشفر ومسموحله يحكي أيش ما بدو مدامو بيسلي القعدة وبيخلينا نضحك ... وأيش ماحكي بنضحك حتي لو صباح الخير
كاتب العيلة او شاعر القعدة:
كبير شوي بالعمر و من اللي بيعرفوا أيش يعني قراية وعلم .. الصغار بيشوفوه ممل لأنهم مش فاهمين أشي منه والكبار ساكتين لما يحكي علشان يبينوا أنهم فاهمين بس بقلوبهم بيتمنوا لو خفيف الدم يجي يحضر القعدة معاهم
نمامة العيلة:
و هاي عادة بتكون زوجة احد الاعمام او اولاد العمام
هاي اللي عندها الاخبار دايما
و اخبارها لازم تشيل نصها و تصدق نص اللي شلته
بتبهر و بتفلفل على خاطرها
و بتضيف من عندها بيحبوها النسوان و بيكرهوها و بنفس الوقت بخافوا منها
و بالاخر بتقولك بالله ما تجيبي سيرة اني قلت لك انا شو خصني
بتعرفيني بمشي الحيط الحيط و بقول يا رب السترة
غنية العيلة:
كل عيلة فيها واحد بيكون اغنى من الكل
و بكل عيلة بتكون مرته مركز نظر النساوين شو لبست ووين راحت و شو عملت
و بتكون نمامة العيلة زي الدنب الها عشان تجيبلهم الخبر اليقين
بتحكي من طرف مناخيرها
و بتقعد عطرف الكرسي كانها قرفانة
و اذا بتضيفها اشي بترفضة او بتاخده بس ما بتاكله ع اساس انها شبعانة ببيتها
مصرف العيلة
بيقولك كل عيلة زي الحمام اله مصرف
و مصرف العيلة هوة الشخص اللي بيجيب العار للعيلة بعمايله السودا
بيستعروا منه بس برضه بخافوا منه لانه بايعها و مش فارقة معه
كبير العيلة
و هذا اللي بدك تسد بوزك و تسمعه و هوة بيعيد القصة مرة ورا مرة
بحكيلك قصص ايام الحصيدة و الثلجة الكبيرة
و لما كان بالجيش
نص قصصه كذب بكذب
مش بقولو ما اكذب من شاب تغرب الا ختيار ماتت اجياله؟
متغرب العيلة
كل عيلة فيها على الاقل واحد مغترب
بيجي بالصيف و الكل بيكون يستنى الهدايا
لما يوصل بيلاقي الكل متجمع و الكل بيسلم علية
و بتكون امه عامليتله ورق و كوسا
و شباب العيلة بينلموا و اشتقنالك يا ابو الزوز
و شوفلنا شغل معاك و الله اخوك مش لاقي يحلق
كانه المسكين صاحب شركة هناك
بعد كم يوم بيكن قاعد لحاله ماحدا مطلع فيه بيشرب شاي بالبلكونه وأمه بتطبخلوا مجدرة
عزابي العيلة :
او الدون جوان النسوانجي
بيكون حليوة (نسبيا طبعا
و بس يزور حدا من القرايب عندهم بنات بينضبوا
و بيصيروا يبصبصوا علية من بعيد و بتشتغل المسجات
هدا بيكون عنده شوية غرور على شوية عجرفة
بقعد و بيحط اجر على اجر و عادة بيصير عمرة فوق الاربعين و ما بتجوز
بكل قعدة بحكي عن غرامياته و بيتجمعوا حاوليه شباب العيلة
و بيصير يورجيهم صور و مسجات
برضة بيكون صحبة خفيف الدم و مصرف العيلة و بيسهروا سوى
شقفة العيلة :
احلى بنت بالعيلة
بتكون محط انظار اولاد العم و الخال بس هيه نظرها بعيد شوي
بتمشي يا ارض اشتدي ما عليكي قدي
و بتقعد مع نساوين العيلة عشان يصيروا يمدحوا جمالها
برضة متل دون جوان العيلة ما بعجبها العجب و بتطول لتتجوز
اذا تجوزت اصلا ما بتكون صحبة مع بنات العيلة و بتلاقيها دايما في الاعراس بتتلقط عريس من بعيد .. من مبدأ نفسي فيه و تفو عليه
دكتور العيلة :
و هذا المسكين اللي ما بتهنى بقعدة
بس يوصل لمحل بنلموا علية و يا ميمتى خواصري بيجعنني
و شوف يابا مبارح و انا لما ( و بيصير يوشوش
و اللي بتنادي ابنها تعال ورجي الدكتور حلقك
هاتي معلقة يا غدير خلية يشوف زلاعيم اخوكي
و اللي بيعرض علية روشتات دكاترة تانية
و اللي بيجيبله صور اشعة
و االلي بقولوا شوفلي ضغطي
طبعا كل القاعدين بفحصوا ضغطهم بعده
و كل حياته بتكون هيك بغض النظر ان كانت زيارة او عرس او حفلة
طبعا هوة ما بيقصر و ممكن يصير يقولك مين الحمار الي اعطاك هذا الدوا ارميه و بكتبلك غيره
كمبيوترجي العيلة :
هذا طبعا بعد طفرة الكمبيوتر صار له اهمية كبيرة
بالاول كان الفاشل التافه اللي ما بيعرف اشي
وضعه متل دكتور العيلة
و بتقول امه بكل خيلاء
بس يجي مسعود بيزبطلك الكومبيوتر
و الله ما في اشطر منه
مبارح خلانا نشوف عمرو دياب
و بيجي مسعود المسكين
شوف كمبيوتر ابن خالتك ريم اللعبة ما بتشتغل
و بيجي حمودة ابن ريم و بيقعد يتفرج على مسعود
مثله الاعلى بالحياة و هوة بيشغّل الكومبيوتر
طفل العيلة الموهوب :
هذا اللي بكل لمة بنادوه يغني
تعال عبود غني لعمو اغنية اليسا لو تشوفو كيف بغنيها
و طبعا في نوعين من عبود في عبود اللي بستحيش
و بتلاقي قرفك و هوة بيعيد بالاغنية
و امه فرحانه فية و كل شوي بتقول ما شاء الله
كأنه ما حدا خلّف غيرها
او النوع اللي بتطلع روحك و امه بتقنعه يغني
و ياللا ورجي العمو اديش انت شاطر
و بتصير انت بدك تخلص
بتقوله غني حبيبي بعطيك شوكولاطة
و بيكون بجيبتك شوكولاطة مفعصة من عرس قديم
بتورجيه اياها كنوع من الاغراء
و في حالة كان دكتور العيله قاعد بيجي التهديد المباشر
اذا ما بتغني الدكتور بضربك ابرة
بتلاقيه صار يغني و نص اصابيعه بتمه
و بتصير امه تعطي اعذار و بتعصب عليه
عاد بالبيت طول نهارك تغني روح تخيب من وجهي
في كل عيلة بتلاقيهم و الله يستر لما بينجمعوا
